الأديب اسماعيل حسانين العمدة يصدر ديوان جديد بالعامية المصرية بعنوان صماد الفرن من اصدارات التجمع العربي للطباعة والنشر والتسويق
كتب : عبد الله اسماعيل
الأديب اسماعيل حسانين العمدة يصدر ديوان جديد بالعامية المصرية بعنوان صماد الفرن من اصدارات التجمع العربي للطباعة والنشر والتسويق
ديوان باللهجة العامية المصرية
وجدير بالذكر ان الديوان سيشارك بمعرض القاهرة الدولي للكتاب 2023
حيث تضمن الديوان 30 قصيدة باللهجة العامية المصرية
من ابرزهم قصيدة صماد الفرن
صماد الفرن
كفاياكي حلم ووهم
واصحي من نومك
لا حبك كان لي سهم
ولا قلبي كان كومك
بلاش حكاوي الكذب
تقوليها للمخاليق
من امتى كان الحب
بالعافية والتلزيق
لا شمس جاورة قمر
ولا حتى اتقابلوا صدفة
والحب أصلا قدر
منه العليل يشفى
شوفتك صحيح ماانكرش
بدل المرة الف
لكن ما هزني رمش
ولا قلبي مال واتهف
فبلاش تقولي كلام
ملهشي اي ملف
انا لو مرة احب
تلاقي الكون وقف
وتلاقي الشمس تجري
ويا القمر وتلف
انا لو مرة احب
يصحى النهار والليل
تتغير المواعيد
ييجي الشتا مع الصيف
وتلاقي ميت هدهد
يحمل خطاباتي
وتصحى ميت بلقيس
تستنى كلماتي
والكل واقف صف
أنا لو مرة احب
هتلاقي مليون قلب
يقلدوا طيشي
هتلاقي نمل الكون
يتخبى من جيشي
وتلاقي ميت فرعون
غرق بلمسة كف
انا لو مرة احب
هحب ست الحسن
وانت صماد الفرن
فبلاش كدب وزن
واكفايا بطلي لف
أنا لوجيت احب
هحب من غير خوف
انا اصلا ليه قلب
ملهشي نقطة ضعف
.............